Tacuo Vortoj: Tacuo Huĝimoto
Muziko: Masumi Huĝimoto
Muzika Aranĝo: Satoko Inoko
1
Kara matrono, mi ja ĉiam amas vin,
Vi reciprokas al mi samon kun konfid',
Ĉar al vi kaj mi treege plaĉas ruĝa vin',
Kaj nia amo al ni tuj de l' unua vid'.
2
Kara amato, mi ja daǔre amas vin,
Ĉar al ni ambaǔ plaĉas vin' el Toskanuj';
Kaj tamen ame mi ĉiam nur sopiras vin,
Ĉar vi ja loĝas for de mi en Japanuj'.
3
Mia propono: kara, do vizitu min:
Okazos UK Jokohame en somer',
Kaj ame tie kaj tiam mi atendos vin,
Por ke ni vivu la semajnon kun esper'.
